Eduemprende Idea é un concurso, convocado pola Xunta de Galicia, que pretende potenciar a realización de proxectos empresariais polo alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos.

Poderá participar o alumnado que cumpra os seguintes requisitos:
– Ter estado matriculado durante o curso 2023/24 nas ensinanzas de formación profesional,
deportivas ou de artes plásticas e deseño sostidas con fondos públicos.
– A participación terá que ser en grupo, formado por un mínimo de dous/dúas alumnos/as
e un máximo de catro.

Este concurso comprende dúas modalidades:
– Modalidade A: Ciclos de Grao Superior
– Modalidade B: Ciclos de Grao Medio.

Premiaranse os tres mellores proxectos de empresa de cada modalidade, cunha dotación económica e a posibilidade de:
Incorporación a un viveiro de empresa da Consellería de Cultura, Educación, Formación Profesional e Universidades, xunto co Asesoramento técnico do IGAPE (no caso de que os alumn@s premiad@s decidan pór en marcha a súa idea de negocio).

A dotación económica será de:
1º premio: 3.000 euros
2º premio: 2.000 euros
3º premio: 1.000 euros

O prazo de presentación de solicitudes estará aberto ata o 31 de maio de 2024.
As solicitudes poden tramitarse en https://sede.xunta.gal co procedemento TR880C

Máis información no
DOG do 1 de febreiro de 2024 en https://www.edu.xunta.gal/fp/eduemprende

Coordinación de Emprendemento. CIFP FONTECARMOA