Formación

A Formación Profesional estrutúrase en familias profesionais, no noso centro contamos con 8 das 26 familias que existen.

Dentro das distintas familias profesionais están os ciclos formativos. Cada familia reúne aqueles ciclos formativos con suficientes características comúns, segundo a afinidade formativa e a semellanza entre os procesos tecnolóxicos empregados e os produtos ou servizos creados a nivel profesional.

Familias profesionais

Electricidade e electrónica

Comercio e marketing

Instalacións e mantemento

Industrias alimentarias

Sanidade

Transporte e mantemento de vehículos

Servizos socioculturais e á comunidade

Ensinanzas físicas e deportivas

Ensinanzas deportivas

Réximes e modalidades de estudo na FP

Actualmente, a Formación Profesional pódese cursar por curso completo no réxime ordinario, na modalidade presencial (asistindo diariamente ao centro formativo) ou de xeito parcial por módulos formativos no réxime de persoas adultas (nas modalidades tanto presencial como a distancia).

A matrícula parcial por módulos permite que cada persoa deseñe o seu itinerario formativo en función da súa actividade laboral, das cargas familiares ou doutras actividades, respondendo así ás necesidades e aos intereses persoais ao longo da vida.

Para realizar a matricula no réxime de persoas adultas é preciso ter cumpridos os 18 anos no ano natural no que se inicien os estudos.

FP presencial

A duración total dun ciclo de formación profesional é de 2000 horas que están divididas en dous cursos, primeiro e segundo.

Se tes a posibilidade de asistir ao centro podes elixir a MODALIDADE PRESENCIAL. Dentro desta modalidade podes escoller entre o RÉXIME ORDINARIO e o RÉXIME MODULAR.

No RÉXIME ORDINARIO estúdase por curso completo, todos os módulos de primeiro curso ou todos os módulos de segundo, e terás a obriga de asistir diariamente ao centro formativo.

Promociónase a segundo curso cando non queda ningún módulo pendente en xuño ou cando a suma das horas do currículo dos módulos suspensos non superan as 300 horas.

As faltas de asistencia, non xustificadas, permitidas é de un 10% das horas totais de cada módulo, se consumes máis poderás perder a avaliación continua, isto quere dicir que xa non terás a posibilidade de examinarte por trimestre pero terás a posibilidade de que te avalíen en xuño nun exame final no que se inclúen todos os contidos do módulo, pois se non recibes a baixa de oficio seguirás pertencendo ao Centro coma estudante.

FP a distancia ou semipresencial

No RÉXIME MODULAR a DISTANCIA OU SEMIPRESENCIAL estúdase por módulo, poderás matricularte dos módulos que queiras, tanto de primeiro coma de segundo, sempre que ao sumar as horas non se superen as 1000 horas.

Para realizar a matricula no réxime de persoas adultas é preciso ter cumpridos os 18 anos no ano natural no que se inicien os estudos.

En relación a este réxime recoméndase facer a matrícula dos módulos de primeiro antes que os de segundo pois en moitas ocasións os coñecementos adquiridos nos módulos de primeiro son necesarios para acadar o éxito nos módulos do último curso. Ademais na modalidade a DISTANCIA ou SEMIPRESENCIAL aconséllase ter coñecementos relacionados coa ensinanza que se imparte pois os contidos e as esixencias sos as mesmas que na modalidade presencial.

Neste réxime non é obrigatorio asistir ao Centro, os contidos están dispoñibles nunha plataforma da Consellería a que podes acceder cando teñas o usuario concedido.

Disponse de titorías individuais, cando se solicita un encontro co profesorado da materia, ou titorías colectivas presenciais, cando se procura traballar en grupo facendo unha práctica para acadar os contidos dos que dispós na plataforma. Os horarios de cada tipo de titoría estará dispoñible cando se inicie o curso, e sempre se mantén ao longo da duración do módulo.

En xeral estes ciclos teñen as titorías colectivas en horario de tarde.

TODOS OS HORARIOS DE MODULAR ESTÁN PUBLICADOS DENTRO DA OFERTA FORMATIVA DE CADA FAMILIA PROFESIONAL.

ESTES HORARIOS PUBLÍCANSE A FINAIS DE XUÑO ANTES DO INICIO DO PERIODO DE MATRÍCULA.

FP Dual

É unha modalidade de formación profesional que ten como finalidade a cualificación profesional das persoas nun réxime de alternancia de actividade laboral nunha empresa coa actividade formativa nun centro educativo. A FP dual integra os tres piares que sustentan o proceso de formación dun profesional: formación curricular (específica do ciclo formativo), traballo na empresa e formación complementaria (específica para os procesos produtivos da empresa), combinando a asistencia do alumnado no centro educativo coa súa formación e o seu traballo na empresa. Os centros e as empresas comparten as responsabilidades formativas para que as ensinanzas profesionais se adecúen ás necesidades do mercado laboral.

Ensinanzas deportivas

As ensinanzas deportivas están dentro do sistema educativo e a súa finalidade é a formación de técnicos (monitores e adestradores) en diferentes modalidades e especialidades.

Son de réxime especial porque se poden facer simultáneas con outros estudos, xa que teñen unha estrutura adaptada ás necesidades formativas da tecnificación e o rendemento deportivo canto a duración, horarios, prácticas, etc.

Son as únicas titulacións oficiais no ámbito deportivo e teñen validez académica e profesional en todo o Estado.

Organízanse en ciclo medio (niveis I e II), conducente ao título de técnico deportivo, e ciclo superior (nivel III), co que se obtén o título de técnico deportivo superior.

Máis info

Certificados de profesionalidade

Un certificado de profesionalidade é un documento que acredita a un traballador/a en unha cualificación profesional do Catálogo Nacional das Cualificaciones Profesionais. Teñen validez en todo o territorio nacional.

Posuír un certificado de profesionalidade supón sen dúbida incrementar substancialmente o teu curriculum profesional, xa que, ao ser un documento oficial, valórase en calquera proceso de selección que convoque a Administración Pública, e acredítate profesionalmente ante a empresa privada.

Para obter o certificado, o alumnado debe estar en posesión das certificacións parciais das distintas Unidades de Competencia que compoñen o Certificado.

Para obter unha Unidade de Competencia ten as seguintes vías:

Superar os módulos formativos correspondentes, mediante a realización e avaliación das accións formativas pertinentes.
Participando nas probas que respecto diso convoque a Administración correspondente para a devandita UNIDADE DE COMPETENCIA, baseándose no Real Decreto 1224/2009 de recoñecemento das competencias profesionais adquiridas por experiencia laboral ou de vías non formais de formación.

Mediante a convalidación da UNIDADE DE COMPETENCIA por estar en posesión da devandita UNIDADE a través da Formación Profesional do sistema educativo.

As Administracións competentes levarán un rexistro nominal por especialidades tanto das acreditacións das UNIDADES de COMPETENCIA como dos Certificados que expidan. Os Centros autorizados para a impartición dos módulos formativos deberán entregar á Administración un acta de avaliación dos alumnos que participasen, indicando nos termos de apto/non apto a superación do módulo. Dita acta será o referente para a Certificación da Unidade de competencia.