“O pasado día 23 de abril visitounos no CIFP Fontecarmoa Antonio Domingo Tudó, director de RRHH da firma de vehículos automóbiles Grupo Pérez Rumbao. A súa visita enmarcouse dentro do programa EdutecEmprende, iniciativa da consellería de Educación, que ten entre os seus obxectivos aproximar o tecido empresarial galego á mocidade.

Antonio presentounos ao Grupo Pérez Rumbao de xeito moi dinámico e participativo. De feito, fíxose unha conexión en directo cun concesionario desta firma onde unha traballadora do seu equipo fixo de guía na visita, percorrendo o centro de traballo e entrevistando a un profesional de cada sección.

O alumnado e profesorado participantes, das familias de Comercio e Márketing, Automoción e Electricidade e Electrónica disfrutaron moito da actividade que, sen dúbida, achegounos á realidade da empresa”.