O día 29 de abril desenvolveuse no CIFP Fontecarmoa o programa Prepárate para  o salto. Esta actividade, realizouse en colaboración coa Fundación Abanca Obra Social, e consistíu na asistencia presencial a unha conferencia titulada Sé intelixente cos teus cartos, impartida pola profesora de finanzas Carlota Sánchez Puga.

A duración da charla foi de 60 minutos e nela abordáronse os retos que marcarán a evolución da economía mundial, facendo especial fincapé na necesidade de mellorar o nivel de coñecemento das finanzas persoais para mellorar o nivel de alfabetización financeira.

Os contidos que se traballaron na sesión foron:

– Como xestionar un orzamento persoal. 
– As ferramentas dixitais que nos axudan a ter un maior control dos cartos. 
– Elección de indicadores para comparar e elixir os mellores produtos financeiros. 
– A importancia do aforro a longo prazo.

Na actividade participou alumnado dos ciclos da familia de Comercio e Marketing: CS Comercio Internacional, CS Xestión de Vendas e Espazos Comerciais e CS Transporte e Loxística.