O noso centro foi un dos proxectos seleccionados na resolución do 20 de xullo de 2023 da Dirección Xeral de Formación Profesional pola que se resolve a convocatoria do programa Espazos de tecnoloxía aplicada para a conversión de aulas tradicionais en espazos de tecnoloxía aplicada na Formación Profesional en centros públicos dependentes da Consellería de Cultura, Educación, Formación Profesional e Universidades durante o ano 2023.

O proxecto de Espazo de Tecnoloxía Aplicada ten por nome: “Entorno virtual para electricidade”.

Esta aula será especialmente axeitada e necesaria para poder integrar diferentes aplicacións que empreguen os robots colaborativos e móbiles xunto con outros equipos como impresoras 3D ou gafas mixtas, aproximando así o espazo de aprendizaxe ás contornas laborais e propiciando un entorno de innovación e investigación.

Esta aula créase a partir de dúas aulas que foron empregadas para impartir clases de Bacharelato durante o período de funcionamento do IES Fermín Bouza Brey. Está situada na planta segunda do Edificio 2 (aula 2104). Ten un tamaño de 122 m², dúas portas de acceso e catro ventás.

Esta aula coa súa estrutura e o seu equipamento permitirá fomentar a colaboración entre o profesorado do CIFP Fontecarmoa e de outros centros para a mellora das súas competencias en robotización e automatización. Mediante proxectos de formación do profesorado realizados en equipo entre profesores das diferentes familias profesionais poderase crear material didáctico para o seu emprego nas aulas.