O día 1 de setembro publicouse a convocatoria 2023 das Axudas destinadas á realización de proxectos de innovación e investigación aplicadas e transferencia do coñecemento en Formación Profesional destinadas a centros que impartan ensinanzas de Formación Profesional, e que desenvolvan proxectos de innovación e investigación aplicadas e transferencia do coñecemento en colaboración con entidades e empresas de diferentes CCAA.
Estes proxectos de innovación requiren a participación de dous ou mais centros educativos e de empresas ou entidades, han de axustarse a unha ou varias das seguintes liñas temáticas:
- Liña 1. Innovación tecnolóxica, medioambiental, de procesos de produción ou de prestación de servizos.
- Liña 2. Desenvolvemento de competencias profesionais vinculadas á dixitalización, tales coma as relacionadas coa industria 4.0. ou o desenvolvemento de redes de comunicación 5G, e a economía circular, entre outras.
- Liña 3. Promoción do equilibrio de xénero no acceso da muller ós perfís de formación profesional relacionados directa ou indirectamente coas titulacións de formación profesional STEAM e a súa inserción profesional.
- Liña 4. Creación de estruturas para a promoción da competencia emprendedora, vinculada á centros de formación profesional (viveiros, incubadoras de empresas, etc.), que estimulen a competencia emprendedora, e que faciliten a transición ó mercado laboral desde o entorno formativo, aportando o marco, as normas, o soporte e o acompañamento necesarios.
- Liña 5. Deseño e testeo de retos ou proxectos de formación, que permitan a innovación metodolóxica cara o aprendizaxe baseado en retos, con atención especial á incorporación de competencias transversais, incluíndo deseño-tipo de adaptacións técnicas e estruturais de espazos formativos a novas metodoloxías.
- Liña 6. Desenvolvemento de ecosistemas de innovación estables entre os principais axentes de cada sector profesional estreitando e garantindo a colaboración, a excelencia do talento dos seus profesionais e a transferencia do coñecemento entre centros de formación profesional, empresas e/ou entidades especialistas en innovación do mesmo.
O prazo de presentación de solicitudes remata o día 29 de setembro.
Tedes toda a información no seguinte enlace: