Convocatoria de Licenzas por Formación para o Profesorado para o curso 23/24

O día 7 deste mes publicouse a convocatoria para solicitar as Licenzas por Formación. Como sabedes estas licenzas, que son retribuídas, teñen como finalidade a creación ou modificación de recursos educativos. Nesta convocatoria estes recursos serán dixitais.

Poden realizarse en diferentes modalidades:

• Modalidade 1: Creación ou actualización de materiais curriculares dixitais, que no caso da FP, estarán dirixidos a impartición de módulos a distancia para a plataforma de FP a distancia. Pode ser individual ou en grupo.
• Modalidade 2:Creación ou remodelación de cursos non presenciais para a formación do profesorado.Tamén poden ser individuais ou grupais.
• Modalidade 3: Creación de materiais curriculares dixitais para cursos de especialización de FP. Neste caso a licenza será individual.

A duración das licenzas é variable segundo a modalidade.
O prazo de presentación das solicitudes remata o 27 de xuño (inclusive).

O enlace á información:
https://www.edu.xunta.gal/portal/node/40110

Calquera dúbida podedes contactar coa coordinadora de innovación e formación.