Este curso o CIFP Fontecarmoa pertence a Rede de Centros de Capacitación Dixital. Co cal se desenvolverán no noso centro determinadas accións formativas referentes a capacitación dixital da poboación.

O público diana de carácter preferencial serán as persoas maiores de 55 anos cun nivel baixo de cualificación, atendendo especialmente á brecha de xénero, que neste rango de idade está moi pronunciada. Non obstante, as accións formativas que se leven a cabo nestes centros poderán alcanzar a outros colectivos de poboación xeral, sempre que se atopen fora do sistema educativo formal, e que poidan mellorar a súa calidade de vida a través da adquisición dunhas competencias dixitais básicas.

Os cursos serán totalmente gratuítos e impartiranse en horario de tarde de luns a xoves de 16.30 a 17.30 e poderán pertencer a tres tipos de formación: nivel básico, intermedio e avanzado en función da demanda dos mesmo.

Para matricularte podes encher o formulario de abaixo, chamar ao centro (886 151 956) ou encher o formulario de matrícula na secretaría do centro.