Programa eduemprende Actúa

A biblioteca do Cifp Fontecarmoa foi o espazo que acolleu o taller  dinámico “Creatividade para a innovación” o pasado día 4 de febreiro.  Da man de Verónica R. Ruzo, esta actividade tivo como obxectivo o de coñecer técnicas (como o mapa mental e o SCAMPER) e exemplos innovadores para identificar oportunidades de negocio ou solucións creativas para a mellora empresarial.

Esta formación enmárcase dentro do programa Eduemprende Actúa, que ten como obxectivos os de sensibilizar ao alumnado sobre a cultura  emprendedora e potenciar as capacidades do alumnado para afrontar proxectos de emprendemento.

Participou nesta formación o grupo 1º ciclo superior de Comercio Internacional que puxo en práctica diferentes ferramentas e dinámicas para o desenvolvemento da súa creatividade.