Ensinanzas Deportivas

As ensinanzas deportivas están dentro do sistema educativo e a súa finalidade é a formación de técnicos (monitores e adestradores) en diferentes modalidades e especialidades. No CIFP Fontecarmoa dispoñemos de ensinanzas deportivas de Baloncesto e Vela.

Son de réxime especial porque se poden facer simultáneas con outro estudos, xa que teñen unha estrutura adaptada ás necesidades formativas da tecnificación e o rendemento deportivo canto a duración, horarios, prácticas, etc. Son as únicas titulacións oficiais no ámbito deportivo e teñen validez académica e profesional en todo o Estado. Organízanse en ciclo medio (niveis I e II), conducente ao título de técnico deportivo, e ciclo superior (nivel III), co que se obtén o título de técnico deportivo superior